• it
  • fur
  • en

HERBERT PIXNER PROJEKT

Artista: Herbert Pixner Projekt

Herbert Pixner Projekt – Sud Tirolo

Spilimbergo – Piazza Duomo – Sabide ai 8 luglio, 22.30

La musiche de Herbert Pixner Projeckt e ven presentade tant che La miôr musiche artesanâl des Alps. Energjie, entusiasim, passion, improvisazion: cun cheste misture, cheste formazion e entusiasme di agns il public. Une autenticitât musicâl zuiade cun grande inteligjence cun colaboradôrs ideâi. Il musicist ecezionâl sudtirolês Herbert Pixner, che al passe de armoniche diatoniche al clarinet, ae trombe, al flicuar, al saxofon, aes percussions, al è rivât a creâ un stîl musicâl personâl e unic insiemi cui membris dal grup, che cun chei al à un rapuart speciâl. Dopo plui di mil concierts e une mieze dozene di discs di aur, chest straordenari progjet musicâl al è deventât un dai spetacui di plui grant sucès in ducj i paîs di lenghe todescje, dulà che i lôr concierts a son simpri esaurîts. Fûcs di artifici musicâi tra musiche tradizionâl alpine, oberkrajner, flamenco, gypsy jazz, blues, rock e world music!

Formazion: Herbert Pixner – armoniche diatoniche, trombe; Manuel Randi – ghitaris; Heidi Pixner – arpe tirolese; Werner Unterlercher – cuintribàs.