Sabato 16 luglio 2022
Piazzale del Castello – Udin
Ore 21:15
INGRESSO A PAIAMENT
Alan Stivell (ae anagrafe Cochevelou), il virtuos di arpe celtiche che al à spandût par dut il mont le passion pe musiche bretone e plui in gjenerâl il folk celtic fasintlu deventâ un fenomen culturâl european e mondiâl, al torne a Folkest, dulà che al fò par vieri cualchi show memorabil.
Stivell, che insieme al pari Jord al à ricostrûit e ripuartât in concert l’arpe bretone, al è cunsiderât ancje un significatîf sunadôr di bombarde e di pive scozese, al à creât e rindût popolâr il concet di musiche celtiche, intun concèt slargjât di cross over music atraviers le union di culturis e stî musicâi diviers, metinsi intune posizion di avanguardie in diviers gjeners dal Folk-Rock al Ambient fintramai ae World Music.
Il concert che al à puartât te colme de notorietât chel moviment musicâl al fò fat cincuante agns fa, tal 1972, al Olympià di Parigji: da chei concerts al nassè un dai discos plui celebrâts de intere discografie mondiâl, Live a l’Olympia. Da aì il fenomen Stivell al mude l’inmagjine globâl de Bretagne e e puarte l’atenzion de Europe pes sôs minorancis etnichis. Le sô cariere internazionâl e florìs cu le presince in festivals e televisions par dute Europe, Stâts Unîts, Australie, Canada, fintramai ai nestris dîs. Dopo le realizazion dal album Legend e The Mist of Avalon tal 1993, al rimasterize lis sôs cjançons plui famosis (cu le presince di Kate Bush) tal album Again, che a lu rilançarà ancje tes classifichis dal pop continentâl. Da che volte al è stât dut un curîr di gnûfs albums che di volte in volte e spostavin l’astute un pouc plui in là, gracie a chest artist curious, atent, mai mugnestrât e simpri in prime linie tal difìndi i dirits des minorancis.
