FRAGILE E FIERA

FRAGILE E FIERA con Serena Finatti, Andrea Venier, Pietro Sponton e Coro Sing&Feel  – Italie

Papariano (Fiumicello) – Via Nazionale, Sabide 30 Jugn, ore 21.15

Flevare e je cheste gjenerazion che si confronte ogni dì cu la velocitât, lis imagjins, i slogan, che si tapone simpri di plui daûr di un schermi o che si piert dentri! Potenzialmentri e pues vê dut ma dispès no rive a jessi contente par nuie. Ametint cheste fragjilitât, o crodìn che al sedi pussibil cambiâ lis robis e miorâ. Parcè che dome cui che ’tal è colât par tiere al pues jevâsi sù di vuerîr che cence spade e cence fûc ’tal è paron dal so zûc! Un conciert di presentazion di un disc che al fevele di realtât pre’sumude, di siums, di amôr, di sintiments, di nature.
Formazion: Serena Finatti – vôs, piano, loop station. La loop station e je un imprest eletronic che al permet a Serena di fâ dut: armonie, ritmi e melodie, cui voi sierâts Serena al somee che no sedi di bessole cuant che e cjante…; Andrea Varnier – ghitare acustiche, loop station. Andrea al ’sune la ghitare acustiche cuntune tecniche une vore personâl disvilupade gracie al so articolât percors di studi (classiche, fingerstyle, metal, jazz) e aes sôs tantis esperiencis dal vîf in dute Europe; Pietro Sponton – percussions. Oltri ae batarie e aes percussions classichis, al frecuente dai cors par aprofondî il studi des percussions dopradis te musiche tradizionâl, folk, etniche (congas, djèmbe, bodhràn, tambûrs a curnîs, e vi.i.) al à une ativitât plene cun concierts tal ambit de musiche jazz, pop, folk; Sing&Feel: Andrea Gorassini, Alessia Mei, Elena De Grassi, Elisa Perucci, Lara Martella, Marta Burba, Sofia Giraldi – lis vôs di chest ensemble vocâl a son dutis diferentis tra di e une vore particolârs. Oltri a doprâ struments a percussion in cualchi toc i Sing&Feel a “doprin” il cuarp (body percussion) come strument a percussion