A l’à tacât come frontman di cualchi cover band furlane, lant indenant daspò cun t’une lungje colaborazion cul cjantautôr Luigi Maieron. Cun lui a l’à partecipât a diviers spetacui, jenfri i cuai I turcs tal Friûl di Pier Paolo Pasolini e Tre uomini di parola cun Corona e Capuozzo. A l’è dal 2015 il prin lavôr discografic, Incuitretimp, finalist de Targhe Tenco. Truòisparis a l’è completamentri dedicât a le Valcelline e cjantât in cinc diferentis variants dialetâls de lenghe furlane. A le fin dal 2019 e je stade publicade pe golane I quaderni del Menocchi le racolte di contis Il profumo della brina, contignint une prefazion di Mauro Corona.
Formazion:
Franco Giordani – vôs, ghitare;
Massimo Gatti – mandulin;
Alessandro Turchet – contrabas;
Elvis Fior – batarie.
