Sabato 2 luglio 2022
Place Duomo – Spilimberc
Ore 21:15
INGRESSO A PAGAMENTO
Tal cors de sô lungje cariere, Judy Collins e à simprit mostrât un gust invidiabil. Tal so storic album dal 1967, Wildflowers, e à presentât une straordenarie colezion di tocs origjinâi insieme a chei di nons no inmò cognossûts al public de epoche come Joni Mitchell e Leonard Cohen, oltri a une coragjose selezion di cjançons di Jacques Brel e Francesco Landini. Le sô bondant palete sonore e il don pe scriture le àn fate deventâ une cjantautore poetiche e votade ae narazion. Cumò, tal so sest deceni come cjantante e composidore, Judy e sta vivint une stagjon di rinovade creativitât. Il so vincjenufesim album in studi, Spellbound, a la viôt gjoldisi une grande rinassince artistiche: i tredis tocs che e componin il lavôr a meretin une menzion speciâl te sô cariere. Pe prime volte in assolût a è autore di ducj i tocs, dodis cjançons folk modernis, cu le zonte di un dai siei evergreen, The Blizzard, come bonus track. Spellbound al è un album introspetîf e impressionist, e si davuelç come se Judy a fòs le curadore di une mostre museâl su le so vite, dantnus il benvignûts intune prospetive che e cjale indaûr ai siei moments plui formatîfs, cualchidun notori e cognossût, atris intensamentri personâi e intims.
