Contatti

MICHELE ASCOLESE

Artista: MICHELE ASCOLESE
Nazione: Italia

MICHELE ASCOLESE

Michele Ascolese a l’è un dai ghitariscj pui cognossûts tal circuit musicâl talian par tecniche, sintiment e impuartantis colaborazions. A l’à studiât ghitare di bessôl e za a vincj agns a l’ere professionist de musiche, Dopo seisi esibît tai prins agns di cariere cun Enrico Rava, Mandrake, Lilian Terry, Nini Rosso, Tommaso Vittorin, Ornella Vanoni e Gino Paoli in te tournée Insiemi. Vuê a l’è considerât un dai pui complets e apreçâts session man e a l’è cressût il numar dai artiscj che si son poiâts a les sôs ghitaris: Sergio Caputo, Roberto Vecchioni, Francesco De Gregori, PFM, Teresa De Sio, Angelo Branduardi, Fabio Concato, Eduardo De Crescenzo, Renato Zero, Eros Ramazzotti, Sergio Cammariere, Tullio De Piscopo, Edoardo De Angelis, Bungaro e tancj atris. Il so non, inevitabilmentri, al reste colegât a chel di Fabrizio de André cul cuâl a l’à vût une lungje colaborazion: e je so, par esempli, le famose ghitare di Don Raffaè. Ancjetant lungje e je le liste di partecipazion a progjets discografics. Tal 2016 a l’è stât protagonist insiemi a Edoardo De Angelis di Il cantautore necessario, album dedicât a le grande cjançon di autôr storiche, cu le produzion artistiche di Francesco De Gregori. Di resint a l’è stât protagonist, cu le PFM, di un lungjissim tour talian e european dedicât a Fabrizio De André.