Motus Laevus in latin a l’à tancj significâts e interpretazions: a la letare tradot in moviment ledrôs al po volè dì ancje sens antiorari o moviment çamparin, dut il contrari di dut, un mont cence confins.
In tal progjet Motus Laevus e coesistin in mût naturâl suns e lengaçs musicai di struments antîcs e modernis, acustics e eletrics, tocs origjinai e tradizionâi, in t’un melting pot dulà che le musiche world si svicine al jazz contemporani, cjants slovens e culture europeane si fondin cun baladis nordafricanis e orientâls, composizions dal est cun timps componûts si messedin a scjalis mediorientâls grechis e turchis. Al jes tal giuin 2020 il lôr prin lavôr discografic dal titul Y, prodot di Pivio e Aldo De Scalzi. Le letare fenicie Y e rapresente le incognite, une coordenade, in tantis culturis e je le letare dal rît, l’inizi, rapresentazion grafiche dal om, simbul de elevazion al cîl, metafore cun mîl significâts.
Formazion:
Tina Omerzo – vôs, piano, tastieris;
Edmondo Romano – sax sopran, clarinets, chalumeau, whistle, zurne, pive;
Luca Falomi – ghitare acustiche, clasiche, dodis cuardis, cun ospit Olmo Manzano – darabouka, hand drum, tabla, kanjira, doholla, cajon, pandeiro.
