PAROLE FEMMINA con NICOLETTA OSCURO e MATTEO SGOBINO

PAROLE FEMMINA con NICOLETTA OSCURO e MATTEO SGOBINO – Italie

San Danel – Giardino della biblioteca, Miercus 4 Lui, ore 21.15

Vôs di feminis cui voi grancj
Dialic ludic tra peraulis e musiche par feminis cun coraç e oms gjentîi.
Une storie fate di tantis storiis, une polifonie di vôs femininis che a rivochin cun gracie e ironie tra lis melodiis dal repertori popolâr e de cjançon d’autôr taliane.
Un percors vivarôs di cjants e contis che si imberdein come fîi di une trame multico. Sonoritâts popolârs si incrosin cu la musiche d’autôr par insiorâ di sfumaduris un afresc dut feminin.
Feminis fotografadis tai momens straordenaris di ogni dì, ritrats curts, biografiis che si metin in rie formant une gjenealogjie fate di maris, fiis, nonis, gnecis, agnis e sûrs che a àn in comun dubis, desideris, felicitât, patiments, fragjilitâts, decisions coragjosis, deliris sentimentâi, sieltis ustinadis e soredut di une fuarte brame di vivi.
Vitis cjapadis in chel moment fondamentâl che ’tal è dispès inspietât e taponât tra lis pleis dal cuotidian, chel moment di discontinuitât, chel fruçon di infinît che al rive a scjassânus de vilece de abitudin… cuant che l’ordin si savolte, lis sigurecis a colin, il control al mole e la tiere sot dai pîts e somee vignî al mancul. Chel moment preseât tal percors di ogni vite, dulà che cun faturose slizerece si impare a colâ.
Formazion: Nicoletta Oscuro – vôs; Matteo Sgobino – ghitare e vôs; Angela Vanone – dissen lûs; Barbara Bregant – con’sulence pe regjie.