RANDOM QUARTET

Random Quartet – Italie

Spilimbergo – Place Domo, Suonare@Folkest2018 – Selezione finale, Vinars 6 luglio, ore 21.00

Il Random Quartet al nas tal 2006 tal Conservatori G. Verdi di Turin; passât l’esam finâl e nas la necessitât di lâ indevant insiemi cuntun discors musicâl ancje fûr dal ambient academic. Ben planc e cjape forme la idee di un cuartet di arcs svincolât des regulis tradizionâls, dulà che a puedin convivi gjenars e guscj musicâi ancje une vore diferents tra di lôr. Partint di chestis premessis si disvilupe une esperience musicâl a 360 grâts, ancje se cu lis fondis de tradizion classiche. Tal 2007 a scomencin i esperiments cun rangjaments di colonis sonoris, cjançons pop e tocs folk fint a rivâ ae musiche rock e metal, a testemoneâ la grande versatilitât di cheste formazion.
Formazion: Giovanni Bertoglio – violin prin e coordenament; Lucia Pulzone – violin secont; Tancredi Celestre – viole; Chiara Manueddu – violoncel.