Italia

I Capitano tutte a noi a tornin cuntun progjet musicâl ‘la che a firmin ancje tocs propris dulà che a dan vôs ai plaseis da la vite, pouris e sentiments di ogni dì. Lis cjançons che vin componût a son un pôc la nestre biografie, par contânus a vuatris e fanus sintî che a la fin la musiche a è un ben comun di ducj e a no à pregiudizis intai confronts di nissun. Cjantâ e sunâ insiemi a fâs stâ ben: la musiche a nus à dimostrât di jessi un stimul formidabil par superâ lis barieris, non dome dal pregiudizi ma ancje dal pensâ comun. Per chest a è vocazion dal grop, oltri a l’acoglienze, no dome la musiche come veicul di espresion artistiche, ma ancje strument di cressite individuâl, oportunitât di confront indulà sperimentâ la cognossince di chel altri.

A nus plâs l’idê di superâ i tabù integrant intal grop ancje personis cun storis e mût di vê a ce fâ cun la musiche diferents, in mût da insiorâ il sound e la vite stese dal grop. A nus plâs ancje dâ valôr a tocs, interpretes o band che a no son tant cognossudis dai giovin di uê, e che invezit a àn lassât une impronte inte storie da la musiche.

Formazion – Felice Bellucci: vôs; Valentina Ius: vôs; Beniamino De Piccoli: ghitare eletriche; Paolo Paron: tastieris, ghitare eletriche; Gianmarco Toneguzzo: bas eletric; Roman Taran: batarie.