A rapresentin da trei agns une des ativitâts fondamentâls di Folkest e a stan cjatant simpri di plui une lôr autonomie, metinsi a metât strade fra la formazion professionâl e l’aprofondiment scientific, doprant une metodologje no specialistiche e freide ma plui fruibil par tancj di lôr. A mont di chel che a si viodarà e scoltarà ta zornade spilimberghese a ‘nd è un profont lavôr di ricercje e aprofondiment, coordenât da Maurizio Bettelli e Michele Gazich, che a lavoraran a flanc dal diretôr artistic dal festival, Andrea Del Favero.
Lis ativitâts a saran concentradis tes dôs zornadis di sabide 2 e domenie 3 di lui.
Daspò i cors di formazion strumentâl (armoniche cun Alessandro D’Alessandro, fresc vincidôr dal Premi Nazionâl Citât di Loano e ghitare cun Franco Morone) che a continuaran par dut il dì fintremai aes 18, al tacarà il seminari Canzone e poesia: la strana coppia, dulà che Michele Gazich al dialogarà cun Maurizio Bettelli, ospit Felice Liperi. Un aprofondiment sul rapuart tra poesie e cjançon, da lis chansons poétiques da Brassens a Dalla cun Roversi, Dylan e la poesie Beat, fintremai ai esperiments personâi di Gazich su pe scriture di cjançons dedicadis a diviers poetis (Pasolini, Montale, D’Annunzio, Celan, Bachmann, Pound, Cattafi, Ginsberg, etc). Al vegnarà proponût in cheste ocasion un laboratori di scriture.
Daspò a si larà al Teatri Miotto par une conference/aperitîf cun Judy Collins e a si tornarà a tacâ tal dopomisdì cuntun dai apontaments plui significatîfs des Clinics 2022, Come stare sui social da musicisti senza perdere l’anima, cun Luigi Andrea Rancilio, det Gigio, caporedatôr dal cuotidian Avvenire, dulà che al à la responsabilitât di gjestî i social. Cuâi sono i miôr social par un musicist di valôr? Esistino tecnichis e trucs par vei suces? Cemût si comunichie pardabon cul propri public cence snaturâ la proprie anime artistiche?
Gigio Rancilio al à tacât a ocupasi di gjornalisim da zovanissim, colaborant cun diviersis emitents radiofonichis. Dal 1988 al 2012 al à lavorât ae redazione spettacoli di Avvenire, ‘là che al à vût il rûl di critic musicâl e daspò di caposervizi. Da simprit cu la passion des gnovis tecnologjîs, al inizi de difusion di internet al à fondât e direzût diviers sits di informazion tra cui Rock On Line. Al dì di uê a si ocupe dai social di Avvenire e al cure la rubriche setimanâl Vite digitali, ‘là che al conte e al analize lis sfidis e i cambiaments che si davuelzin tal mont dal digjitâl.
La zornade a finirà cu lis presentazions dai discos di Dario Fornara (portata dal vento) e de Adamantis Guitar Orchestra (Cerclaria Lux).
La domenie binore a si tornarà a tacâ cui cors di armoniche (simprit cun Alessandro D’Alessandro), su pes tecnichis ghitaristichis (cun Loula B e Gavino Loche) e l’incuintri su cjançon e poesie, par passà daspò ae presentazion dal volum di Marco Ballestrieri, autôr di un straordenari lavôr di ricostruzion de vite e da lis oparis di Antonio Pioli, det Wandrè, cul libri e le mostre Wandrè: Artista della chitarra elettrica.
Daspò dal spazi dedicât come par solit ai dirits dai musiciscj e a lis tutelis dal dirit d’autôr curât de Associazione Note Legali di Bologne, l’autôr Cesare Poppi e l’editôr Daniele Ermacora a presentaran le monumentâl opare in trei volums de Trilogia Alpina, Saggi Ladini, publicâts dall’Istitut Cultural Ladin di Vigo di Fasse.
Cesare Poppi, laureât in Antropologjie Culturâl, al conseguis il Master e Dotorât di Ricercje in Antropologjie Sociâl a Cambridge. Dal 1974 al à puartât indevant ricercjîs fra i Ladins di Fasse e dal 1984 su lis societâts segretis des mascaris tal Nort dal Ghana. Al à insegnât tes Universitâts dal East Anglia, Bologne e Trent, al è stât Visiting Professor tes Universitâts di Seattle e Austin, di Buea (Cameroon) e di Malta. Al à colaborât cuntune diesine di universitâts europeanis. Al à lavorât cun Renato Morelli ae realizazion di programs radiofonics e televisîfs pe Tierce Reit RAI e ae realizazion di sîs documentaris sui Ladins di Fasse. Al è stât consulent sientific dal programe european di ricercje Carnival King of Europe.
