Contatti

Folkest 2022

La 44^ edizion di Folkest a propon chest an, dal 16 di Jugn al 6 di Lui, ben 55 apontaments cun plui di 60 tra grops e ospits, tra spetacui, musiche e incuintris partint dai concierts dal vîf sbarnizâts ’sul teritori des cuatri vecjis provincis dal Friûl Vignesie Iulie, ma ancje a Cjaudistrie e in Venit, oltri a cualchi apontament speciâl tei meis di Lui e Avost.

Il Premi ae Cariere 2022 al sarà consegnât chest an a Judy Collins.

Come pal solit, a Spilimberc al varà lûc il Premi Alberto Cesa, pensât pes gnovis propuestis de world music, che chest an al fâs disevot agns rivant ae maiôr etât. Cuarte edizion invezit pes Folk Clinics, cu la solite alternance di incuintris cui autôrs, presentazions di libris, seminaris di formazion professionâl e tecniche ’sui struments de musiche popolâr.

Tantissims i grancj nons oltri a Judy Collins (2 di Lui, Spilimberc, Place dal Domo), dai Jethro Tull (13 di Lui, Udin, Cjiscjel), a Alan Stivell (16 di Lui, Udin, Cjiscjel), dai Mellow Mood (5 di Lui, Spilimberc, Place dal Domo), a Massimo Priviero, Roy Paci, Il muro del canto e Fanfara Station.

Folkest, cu la direzion artistiche di Andrea Del Favero, ’tal è realizât da Folkgiornale in gracie dal ’supuart de Regjon Friûl Vignesie Iulie, de Fondazion Friûl, di PromoTurismoFVG, dai comuns di Spilimberc e di Udin, di Friulovest Banca e dai Ents Locâi dai 28 comuns de Regjon Friûl – Vignesie Iulie che a son stâts coinvolzûts

Chest an il festival a si fasarà tal periodi di simpri, ven a jessi ’sul començâ da l’estât – al conte il diretôr artistic Andrea Del Favero – e al vûl rapresentâ une gnove estât pe culture in Friûl Vignesie Iulie, come che ’tal è tes sperancis di ducj. Un grazie particolâr al va a cui ch’al à continuât a crodi tal nestri lavôr e a sostignînus intes ultimis dôs edizions. I tornin a partî da grancj artiscj che àn fat la storie de world music e dal rock, dant tal stes moment simpri plui spazi ai artiscj zovins; chest ’tal è pussibil ancje grazie a un gnûf progjet, Up Beat, che al tire dentri i cuindis showcase festival plui impuartants dal Centri Europe e dai Paîs Baltics e che al à apene vinçût un bant european che a nus impegnarà pardabon tai prossims trei agns.