Folkest a Cjaudistrie

Folkest a Cjaudistrie al nas in graciis di une colaborazion nas’sude tal 1922 tra la Associazion Culturâl Folkgiornale e il Comitât Organizadôr de CAN di Cjaudistrie che ae fin dai agns ’90 e à dât vite al AIAS Cjaudistrie. In chescj agns a son tancj i artiscj di grant va che a son vignûts un daûr di chel altri tes placis e tai lûcs storichementri delegâts ai concierts dal cjâf lûc istrian, in graciis al contribût de Comunitât Autogjestide de Nazionalitât Taliane di Cjaudistrie, dal Comun Citât di Cjaudistrie e dal Ministeri de Culture de Republiche di Slovenie.

Trê ’tal sarà i concierts tal ambit di Folkest 2019.

MEF – NARODNO OSVOBODILNI BEND [Slovenie]

Martars ai 16 di Lui
Zardin Palaç Gravisi-Buttorai aes 21.30

Mef - Folkest 2019

Drago Mislej – Mef, gjornalist, musicist, cjantant, promotôr e organizadôr, al ven di tancj considerât il miôr autôr di tescj par cjançons de Slovenie. Fin in dì di vuê a ‘nd à firmadis plui di cuatricent, interpretadis di ducj i miôr cjantants e grups slovens dai Prizma ai Kameleoni ai Faraoni, di Tinkara Kovač a Tulio Furlanič a Danilo Kocjančič. Di sé stes plui che autôr o poete i plâs definîsi un cjante storiis. Atîf, come musicist, fin dai agns Otante cuntun grup che al fasè storie, i “Deseti brat”, si presente vuê cuntun altri dai siei grups storics, il “Mef in NOB”. A Folkest al presentarà in anteprime la sô ultime fadie discografiche.

Formazion: Drago Mislej Mef, Armando Šturman, Gorast Radojevič, Marko Tomič, Jaša Hedžet, Gregor Brajkovič, Jadran Ferjančič, Giorgio Biselli, Matteo Basta, Eva Brajkovič e Andrea F.

 

IRDORATH [Bielorussie]

Vinars ai 19 Lui
Place Carpaccio aes 21.30

Irdorath - Folkest 2019

Vladimir e Nadezhda si incuintrarin cuant che ’ta jerin students, cun tal cjâf la idee di creâ une musiche cence confins di gjenar, cun diviersis influencis, dulà che la idee dal fantasy al fos il nucli. E il prin nucli strumentâl a forin propit lis dôs cuarnamusis.

Il grup si è ben planc slargjât ’fin ae formazion atuâl che e ufrìs un spetacul che, dopo vê bandonade la linie medievaliste, al ponte vuê a un stîl personâl une vore origjinâl, plui dongje al fantasy e al folk-metal.

 

PFM – Premiata Forneria Marconi [Italia]

Sabide ai 20 di Lui
Place Carpaccio aes 21.30

folkest pfm capodistria

La Premiata Forneria Marconi (cognos’sude ancje come PFM) ’tal è un grup musicâl rock progressîf talian che al à vût cetante popolaritât, sedi in Italie che a nivel internazionâl (tal Ream Unît, in Americhe e in Gjapon). Tra i grups talians dal rock progressîf dai agns Setante (Banco del Mutuo Soccorso, Stormy Six, Osanna, Pooh, Acqua Fragile, The Trip, Goblin, Area, Perigeo, Le Orme, Opus Avantra, New Trolls), la PFM e je stade la uniche a vê ’sucès fûr dai confins nazionâi. Ta chê epoche e fo tra i pôcs complès talians a jentrâ te classifiche dai album te famose riviste americane Billboard. La sô musiche e je imparintade cun band come i Genesis, la part progressive dai Pink Floyd o i prins King Crimson e Gentle Giant. Cun di plui e à savût a evolvi il so stîl ancje intai agns ’sucessîfs gracie ancje a lis grandis cualitâts tecnichis dai siei components.

Formazion: Franz Di Cioccio, Patrick Djivas, Lucio Fabbri, Roberto Gualdi, Alessandro Scaglione, Marco Sfogli, Alberto Bravin.

 

 

Folkest edizione 2019