Il Cjadovri, cu lis sôs divisions teritoriâls, lis tradizions culturâls, la lenghe, lis regulis e la biele comunitât, al è un teritori che si preste in maniere naturâl a un progjet culturâl e turistic come chel di Folkest, che al puartarà sot des Dolomitis concierts in puescj di alt valôr ambientâl, urbanistic e architetonic, incuintris cun personalitâts di ponte de musiche e de culture mondiâl, mostris fotografichis e di struments de musiche popolâr (ancje itinerants), presentazions di libris dedicâts al argoment e aprofondiments diviers, un progjet speciâl dedicât ae promozion de musiche e aes tradizions locâls cuntun ensemble inter ladin tra musiciscj grisons, ladins centrâi e furlans.
Folkest al è un festival musicâl itinerant che nol cjale dome al aspiet musicâl, cu la rivitalizazion di placis, parcs, cjistiei come senaris perfets par ambientâ concierts, events, moments di studi e aprofondiment, fasint di veicul di promozion culturâl e turistiche dal teritori. Un valôr che no si è lassât scjampâ il sindic di Auronzo, Tatiana Pais Becher, par inviâ un progjet za vie pal Istât cun trê datis in Val D’Ansiei, par po rivâ vie pal an, e in prospetive pal 2020 in maniere plui articolade, al coinvolziment di dut il teritori dal Cjadovri e ae valorizazion dai artiscj che za a lavorin tal puest.
La culture, lis tradizions, la lenghe, la musiche come ocasions di cressite culturâl e turistiche dal Cjadovri – e dîs Pais Becher – a son une oportunitât di no lassâsi scjampâ. Ancje un festival al pues scombati il spopolament, se al rive a coinvolzi e a valorizâ i zovins artiscj dal Cjadovri par che a rivedin a lâ indevant a produsi musiche e art in chel teritori, cence scugnî par fuarce emigrâ viers lis citâts e la planure.
conciert dal grup Hoodman Blind Scozie
Serade di musiche de comunitât ladine e furlane, cun:
Sinfonia delle Dolomiti (A. Grollo), inte ocasion dai dîs agns de nomine des Dolomitis a patrimoni universâl de UNESCO.
Cun:
