![\"\"](\"https:\/\/www.folkest.com\/\/wp-content\/uploads\/2017\/04\/CONFERENZA-STAMPA-2017-17.jpg\")
<\/a><\/p>\nCun anteprimis al cartelon tra fin di Avr\u00eel e prins di Mai e concierts che a laran indevant ancje dopo dal festival fin ae fin di Lui
\n FOLKEST: TRENTEN\u00dbF EDIZIONS DI UN FESTIVAL CHE AL ESPLORE LIS MUSICHIS E LIS CULTURIS DAL MONT
\n ANTEPRIMIS AL CARTELON EST\u00ceF TRA FIN DI AVR\u00ceL E PRINS DI MAI CUN EUGENIO FINARDI IN CONCIERT SABIDE AI 29 DI AVR\u00ceL A TUMIE\u00c7 (TEATRI COMUN\u00c2L LUIGI CANDONI, AES 21.00) E LA REPLICHE DAL CONCIERT-SPETACUL ORCOLAT \u201976: SIMONE CRISTICCHI RACCONTA L\u2019ORCO CHE DIVORA LA TERRA. IERI E OGGI (SABIDE AI 6 DI MAI TEATRI GN\u00dbF \u201cGIOVANNI DA UDINE\u201d, AES 21.00)
\n PASSE SESSANTE I APONTAMENTS COMPLESS\u00ceFS PE EDIZION 2017, CUN 23 COMUNS FURLANS, TRA CHESCJ UDIN, SPILIMBERC, VILE MANIN, TUMIE\u00c7, FIN A RIV\u00c2 A CJAUDISTRIE E LA SLOVENIE
\n VE CA LIS PRIMIS ANTICIPAZIONS AL PROGRAM 2017
\n A vegnin di ogni bande dal mont i artiscj che, come ogni Ist\u00e2t cence interuzion dal 1979, a animaran i tancj palcs di Folkest dai 22 di Jugn ai 10 di Lui che a vegnin \u2013 cuntune serie di concierts program\u00e2ts ancje dopo dal festival, fin ai 26 di Lui \u2013 tra chescj Udin, Spilimberc, Vile Manin, Tumie\u00e7, ma ancje Cjaudistrie e la Slovenie, par un tot\u00e2l di 24 placis cui apontaments dal princip\u00e2l festival che al esplore lis musichis e lis culturis dal mont.\u2028Artiscj tant diferents fra di l\u00f4r e un festival di col\u00f4rs pens\u00e2t propit par valoriz\u00e2 dute ch\u00ea musiche che, di l\u00e0 dal jessi definide folk, world, jazz o cjantautor\u00e2l, pure o contaminade, e sepi d\u00e2 v\u00f4s aes lidr\u00ees cultur\u00e2ls di cualsisedi bande dal mont, ancjem\u00f2 une volte une ocasion par pass\u00e2 i confins fra i gjenars. Nus contaran liendis antighis e storiis comunis, liendis di erois e contis di int semplice che a son di ducj e a fasin part de bra\u00f9re cultur\u00e2l dai popui, ma disp\u00e8s a son lis stessis storiis, declinadis in lenghis diviersis. Dius, semidius, pan azim e pan neri\u2026
\n Dopo dal focus dal an pass\u00e2t, incentr\u00e2t su la Sardegne e culmin\u00e2t cu la consegne dal Premi Folkest ae Cariere al marave\u00f4s grant vieli, Luigi Lai, mestri des milenariis launeddas, chest an o restar\u00ecn intal Mediterani, dedicantsi ae cit\u00e2t di Napoli e ae s\u00f4 complesse trame cultur\u00e2l, multi-etniche par conotazion, napoletane par vocazion e unicit\u00e2t de ispirazion music\u00e2l. Ve alore une serie di grancj artiscj partenopeus, vuidade di Enzo Avitabile, fresc vincid\u00f4r di ben doi Premis David di Donatello, che si esibir\u00e0 a Montre\u00e2l ai 28 di Jugn, e che al viodar\u00e0 sul palc Teresa Di Sio cuntun grant oma\u00e7 a Pino Daniele, in program a Cjaudistrie ai 21 di Lui, i Solis String Quartet e Jenny Sorrenti cun Saint Just a Spilimberc ai 9 di Lui e i plui zovins, e mancul cognoss\u00fbts, Vianova e Sun&Passion.\u2028Nol mancjar\u00e0 pe 39me edizion di Folkest il mont de cjan\u00e7on anglosassone cui princips e invent\u00f4rs dal folk-rock britanic, i Fairport Convenzion, ai 10 di Lui a Spilimberc, e la v\u00f4s e front man dai Genesis, un dai grups plui impuartants e inovat\u00eefs de storie dal rock progress\u00eef, Ray Wilson, in conciert simpri a Spilimberc, ai 11 di Lui. Spazi ancje pes gnovis frontieris dal folk-metal, cui lombarts Folkstone ai 12 di Lui a Spilimberc e, naturalmentri pe grande cjan\u00e7on di aut\u00f4r taliane, cu la esibizion di Ron ai 22 di Lui a Cjaudistrie<\/p>\n
\n e ………<\/p>\n
\n Intai passe setante apontaments compless\u00eefs no mancjaran i sun\u00f4rs e lis melodiis di tradizion e ispirazion celtiche, une sezion che no mancje mai al festival, cuss\u00ec come lis musichis di confin, dal manouche al balcanic, al klezmer, al blues. Cence dismente\u00e2 la patulie dai artiscj regjon\u00e2i, che come ogni an a varan presincis significativis, cuntune anteprime impuartante inte curn\u00ees storiche dal Cjistiel di Ruvigne ai 11 di Lui cu La Fieste da Sedon, che e clamar\u00e0 adun ducj i musicants de musiche popol\u00e2r furlane pal tradizion\u00e2l apontament di principi Ist\u00e2t.
\n Altre anteprime significative a Osped\u00e2l di Glemone: une serade dute al feminin, che e ricjapar\u00e0 idealmentri il focus dal an pass\u00e2t dedic\u00e2t ae Sardegne, cu la presince di Ambra Pintore cul so cuartet (za vincidore assolude di Suonare@Folkest intal 2015), che e presentar\u00e0 il so gn\u00fbf progjet discografic, prodot di Sar\u2019d music. Sul stes palc e cjatar\u00e0 spazi ancje la zovine Martina Jori, ladine dal Sud Tir\u00f4l.\u2028Infin il grant cjapitul des gnovis propuestis talianis cul apontament di Suonare@Folkest. Ai 4 di Lui che al ven, pe seconde volte dopo dal suc\u00e8s organizat\u00eef dal an pass\u00e2t, si fasar\u00e0 in Cjistiel a Udin la serade conclusive dal concors Suonare@Folkest: une serade dul\u00e0 che si sfidaran pe vitorie fin\u00e2l i grups vincid\u00f4rs des singulis seradis di cualificazion teritori\u00e2ls, che a son st\u00e2ts selezion\u00e2ts tacant dal m\u00eas di Dicembar 2016 di une base di 148 formazions iscritis e une votazion dal public su Facebook che si \u00e8 da\u00fbr a f\u00e2 propit in chescj d\u00ees. Ospits di on\u00f4r, clam\u00e2ts a concludi la serade, i sicilians Pupi di Surfaro, vincid\u00f4rs dal Premio Andrea Parodi di Cagliari pal 2016.\u2028Intal periodi clou dal festival, concentr\u00e2t a Spilimberc tra il 7 e ai 10 di Lui, a saran spazis dedic\u00e2ts ai plui pi\u00e7ui cun Ven a prov\u00e2 un strument cui docents de scuele di musiche Gottardo Tomat e il spetacul z\u00fbc cul Molino Rosenkranz.\u2028Lis presentazions di diviersis novit\u00e2ts editori\u00e2ls, incuintris e dibatiments publics a fasaran di curn\u00ees ai moments plui spetacol\u00e2rs dal festival, rapresentant un so completament ide\u00e2l. Al \u00e8 chest un set\u00f4r che de edizion passade al \u00e8 st\u00e2t cur\u00e2t une vore, cul coinvolziment di cjasis editori\u00e2ls regjon\u00e2ls e talianis e di istituzions impuartantis tant che il Nuovo IMAIE.
\n Ma la 39me edizion di Folkest, e sar\u00e0 precedude di d\u00f4s grandis anteprimis di primevere, a scomen\u00e7\u00e2, sabide ai 29 di Avr\u00eel, dal grant conciert di Eugenio Finardi li dal Teatri comun\u00e2l Candoni di Tumie\u00e7, organiz\u00e2t cun Nuova Pro Loco Tolmezzo. A distance di siet agns il cjantaut\u00f4r milan\u00eas al torne in Cjargne par un gn\u00fbf conciert che za si anunzie memorabil pai siei tancj fans di dutis lis et\u00e2ts: si trate di fat di une des tapis dal so tour Musica Ribelle pens\u00e2t l\u2019an pass\u00e2t par celebr\u00e2 i cuarante agns de s\u00f4 storiche cjan\u00e7on-manifest che e puartave il stes non e l\u00e2t indevant cuntun suc\u00e8s tant grant intai ultins m\u00eas, fin in Cine.
\n Sabide ai 6 di Mai, invezit, in program li dal Teatri Gn\u00fbf \u201cGiovanni da Udine\u201d (oris 21.00) la repliche di Orcolat \u201976: Simone Cristicchi racconta l\u2019Orco che divora la terra. Ieri e oggi, cun Simone Cristicchi e Francesca Gallo, la v\u00f4s di une storiche interprete dai nestris palcs, la atore Maia Monzani, il \u201cCoro del Friuli Venezia Giulia\u201d, prepar\u00e2t dal M\u00b0 Cristiano Dell\u2019Oste, e la Mitteleuropa Orchestra direte dal M\u00b0 Valter Sivilotti. Une riflession su ce che al \u00e8 suced\u00fbt in Fri\u00fbl dai 6 di Mai ai 15 di Setembar dal 1976: in quei momenti \u2013 a scrivin Simone Cristicchi e Simona Orlando \u2013 puoi vedere i vitigni ascendere in paradiso e ricadere all\u2019inferno. L\u2019Orcolat \u00e8 ancora vivo, una creatura veloce e famelica che ti rincorre e vuole a tutti i costi raggiungerti. Un lav\u00f4r atent e document\u00e2t che, dopo cualchi m\u00eas di studi e di documentazion, al \u00e0 riviv\u00fbt chei d\u00ees, tra realt\u00e2t, sium e sperance pal avign\u00ee, intune sorte di puint ide\u00e2l cui d\u00ees nestris, tant atu\u00e2l, che al ven ripropon\u00fbt cum\u00f2, inte ricorence dai cuaranteun agns di chel aniversari dai 6 di Mai.\u2028Come che tancj si visaran, dut il spetacul, che al \u00e0 debut\u00e2t intal Domo di Glemone, al \u00e8 st\u00e2t regjistr\u00e2t di une troupe televisive sot de direzion de regjiste Rai Claudia Brugnetta e, prodot di FolkestFilm, al \u00e8 st\u00e2t mand\u00e2t su lis frecuencis de Rai FVJ inte serade dai 9 di Dicembar dal 2016, dismovint ancjem\u00f2 emozion e amirazion e cum\u00f2 al deventar\u00e0 in curt un DVD.<\/p>\n
<\/p>\n