Come ogni an e part\u00ecs di Arezzo la caravane dal Premi Folkest-Alberto Cesa, il concors che al c\u00eer gn\u00fbfs talents che a sunaran inte prossime edizion di Folkest, zuiantsi ancje la pussibilit\u00e2t di v\u00ea un Premi dal Nuovo Imaie di ben cuindis m\u00eel euros pe realizazion di une tourn\u00e8e.
\nStoriche la sede di cheste prime tape, il Circolo Aurora in place Sant’Agostino di Arezzo, parc\u00e8 che propit chi, intal 2004, si \u00e8 davuelte la prime serade di chel che intes primis edizions si clamave Suonare@Folkest. Un inizi fortun\u00e2t, che a chel a son vignudis da\u00fbr tantis edizions, dutis caraterizadis di une grande cualit\u00e2t music\u00e2l.
\nAi 6 di Dicembar, dilunc di un conciert dal v\u00eef dentri tal Festival Pifferi, Muse e Zampogne, direz\u00fbt come ogni an cun grande competence di Silvio Trotta, tr\u00ea grups si son sfid\u00e2ts a colps di notis: intal ordin Archive Valley, Calimani e Sambene. I Archive Valley a son un tercet roman form\u00e2t intal 2017 che al cjape ispirazion dal Old Time Music, espression origjin\u00e2l dai Monts Appalachi. Edoardo Petretti, Matan Rochlitz e Marco Zenini si alternin cun banjo, mandolin, cuintrib\u00e0s, piano e fisarmoniche creant un miscli\u00e7 folk speriment\u00e2l intens e imprevedibil.
\nI Calimani a nassin te fin dal 2016 dal duo toscan Mattia Tartaglia e Francesco Checcacci, cuntun progjet essenzi\u00e2l: ukulele, batarie e v\u00f4s, cu la idee di font di magl\u00e2 il folk cul pop. Un dissen son\u00f4r che po si \u00e8 slargj\u00e2t a altris strumentiscj e pales\u00e2t intal l\u00f4r prin disc a pene vign\u00fbt f\u00fbr: cuntune vualmade incjantade, ironiche, autoironiche e soredut une vore semplice.
\nNass\u00fbts te Academie dai Cjantaut\u00f4rs di Recanati (MC), direzude di Lucia Brandoni, i Sambene a mutuin il non de peraule sarde che e v\u00fbl d\u00ee sanc, come passion e energjie, e a son un grup cuntune fuarte conotazion cjantautor\u00e2l su buinis lidr\u00ees folk, dul\u00e0 che a vegnin f\u00fbr ben lis tr\u00ea v\u00f4s presintis: ch\u00ea masculine di Marco Sonaglia, ghitarist e aut\u00f4r di cetancj tescj e musichis, e ch\u00eas femininis di Roberta Sforza e Veronica Vivani.
\nE v\u00e2l la pene di ricuard\u00e2 cem\u00fbt che l’obiet\u00eef dal concors e dal Premi Folkest-Alberto Cesa no sedi dome la competizion tra artiscj, ma ancje il fat di pod\u00ea valut\u00e2 mi\u00f4r, intun contest dal v\u00eef, lis propuestis mi\u00f4r intal panorame folk, world e cjantautor\u00e2l. Cul val\u00f4r in plui, come che si \u00e8 za dit, pal vincid\u00f4r assol\u00fbt, dal premi fin\u00e2l d\u00e2t dal Nuovo Imaie pe realizazion di une tourn\u00e8e.
\nA son per\u00f2 dongje ancje lis prossimis selezions, che a saran ai 4 di Zen\u00e2r a Loano (SV) al Pala\u00e7 Kursaal, li de Biblioteche Civiche, cun Massimo Lajolo e Onde Medie, Monsieur De Rien e Stona; ai 18 di Zen\u00e2r a Udin, a la Girada cun Alessandro Lepore, Bratiska e The Breeze; ai 31 di Zen\u00e2r a S.Pietro in Cariano (VR) a La fontana ai ciliegi, cun Ensemble du Sud, Francesco Garolfi e The Funny Farm; al 1 di Fevr\u00e2r a Cervasca (CN) li de sale de Proloco, cun Gian Luca Di Santo, Madam\u00e8 e Sheegoolah; ai 23 di Fevr\u00e2r a Coreno Ausonio (FR) all\u2019Auditori Comun\u00e2l, con Francis-Q, Suonno d’ajare e Ars Nuova Napoli e ae fin ai 24 di Fevr\u00e2r a Succivo (CE), cun Luisa Notarangelo Duo, Officine Popolari Lucane e Pastellesse Sound Group. \u2028<\/p>\n","protected":false},"excerpt":{"rendered":"
Come ogni an e part\u00ecs di Arezzo la caravane dal Premi Folkest-Alberto Cesa, il concors che al c\u00eer gn\u00fbfs talents che a sunaran inte prossime edizion di Folkest, zuiantsi ancje […]<\/p>\n","protected":false},"author":3,"featured_media":14434,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[310],"tags":[],"class_list":["post-14540","post","type-post","status-publish","format-standard","has-post-thumbnail","hentry","category-homepage-fur"],"yoast_head":"\n