Sabide 30 a Flaiban in place Monumento protagoniste inmò la Scozie cul doi Stewart Hardy & Frank McLaughlin, impen de Ingletiere e Olande a rivin i Pyrates, une “nâf” di stranis piratis musicâi, plene di struments e di buine musiche: sea shanties inglês, cjançons di mâr irlandesis, drinking songs, bai tradizionâi e gnovis composizions rindudis in maniere ironiche e divertente di une çurme eletriche.
A son considerâts un dai gnûfs spetacui di folk rock european plui interessants dai ultins agns. La formazion e je componude di David Gallows ae vôs, ghitare e mandulin, Ralf Zegelink, violin e vôs, Martin van der Mijden, bas eletric e vôs, e Bart van der Akker ae batarie e vôs.
[message_box title=”Stewart Hardy & Frank McLaughlin – Pyrates” color=”yellow”]
Lûc dal conciert: Flaiban, Place Monument [Cemût rivâ ca di nô]
Se al vis di vigne brut timp, si faserà te aree festeggiaments di via Cavour
Zornade: 30/06/2018
Artist: Stewart Hardy & Frank McLaughlin
Paîs: Scozie
Artista: Pyrates
Paîs: Ingletiere , Olande
Inizi dal conciert: 21.15
Ientrade: A GRATIS
[/message_box]
FLAIBAN
Il comun al è tal cûr dal Friûl, inte zone de alte planure Furlane. Il cors principâl di aghe al è il flum Tiliment, che al delimite il confin Ovest dal teritori comunâl, e chi al nas il Parc dal Tiliment. A son presints diviers rescj di epoche romane, tant che vilis e dipuesits. Il non al derive di Flavianus, un roman che al à fondât il paîs pôc dopo de fondazion di Aquilee. Numerôs a son i edificis di grant valôr artistic che a conservin ancje esemplis artistics impuartants di pitôrs impuartants e pichepiere furlans intal ambit dal comun. Impuartante ancje Vile Marangoni Masolini a Sant Durì, che e je pôc distant des gleriis dal Tiliment. Un timp convent di fraris benedetins che a gjestivin la abazie e il vât sul Tiliment scuedint dazi.