LaPeka

La Peka al è un coletiv nassût a Triest tal Zenâr dal 2023, formât di musiciscj une vore eterogjenis pe formazion e lis esperiencis artistichis. L’intent dal coletiv al è chel di proponi la proprie vision artistiche, saltant fûr de logjiche e des restrizions che a definissin un gjenar musicâl. Il repertori di tocs origjinâi proponût dal grup al è caraterizât di une variade matrice ritmiche afro-latine, su cui a si fondin melodiis ispiradis a musiche popolâr e improvisazions jazzistichis. Il spetacul al è un viaç musicâl che nus puarte de Afriche ocidentâl al Sud Americhe e ae Americhe centrâl, ispirantsi a musiche tradizionâl caribeane colombiane, a musiche jamaicane e cubane, cun contaminazions e influencis dal jazz nordamerican, dal funk e de salse newyorkese.