Capitale storiche dal Friûl, e ufrìs a Folkest une des sôs miôr contis: il cjistiel dai patriarcs, che al conserve dentri di sè la sale dal Parlament furlan, probabilmentri la prime testemoneance de vite democratiche europeane, decorade di un dai cuadris plui famosis dal Tiepolo. Su la culine a son ancje: la glesie di Sante Marie (VII secul) e la Cjase de Contadinance, ricostruzion dal 1931 di un edifici dal cuart secul dulà che si riunivin i contadins friulans. La place Sant Jacum o place des Erbes, cumò place Jacum Matteotti, centri dal marcjât ma ancje de vite citadine intai ultins secui, e je stade oggetto di un restaur curât, sedi de pavimentazion sedi de biele fontane, opare di Zuan di Udine. Di grant interès artistic al è ancje dut il cicli tipolèsc udinês: dal palaç patriarcjâl ae capele de Puritât. La biele place Libertât, cu la logjie dal Lionel dal cuatricent e la logjie di San Zuan dal diesim secont secul, cu la tor dal orloi di Zuan di Udine, e je considerade tra lis plui venezianis di Italie dopo di chê di San Marc a Venit. La catedrâl di Sante Marie Anunziade, residence dai ultins patriarcs di Aquilee, e je stade scomençade tal 1236, su di un precedent edifici sacri, decorade cun pale e frescs di Giovan Battista Tiepolo.
