I ViaNova a nassin di une idee ambiziose di un grup di fantats de antighe Atella – tiere a cjaval tra lis provinciis di Napoli e Caserta – di riscuvierzi lis tradizions musicâls e culturâls no dome de zone rurâl di Atella, ma di dute la culture che e à fat e che e fâs grant il Sud. Si presentin a Folkest cu la compagnie Suon & Passion, par fondi i risultâts de ricercje musicâl dal “Ream” cun ritmis ancestrâi e apassionants, che a nassin des tradizions contadinis de tiere de cjanaipe. Insiemi a vivin chest progjet cun grant entusiasim: un esperiment di fusion di doi grups distints, ViaNova e La compagnie Suon & Passion, che e à vût une grande rispueste di public e di atenzion. A rivin a Folkest midiant des selezions dal concors Sunâ@Folkest.
Formazion: Giuseppe Iovane – ghitare e vôs; Antonio Colella – ghitare e vôs; Pasquale Limatola – tastieris; Antonio Copertino – bas eletric; Giuseppe Bortone – batarie; Andrea Carboni – tammorra, cajon, djembe.
