L’an che al à fat saltâ il mont no je stade dome la stagjon di Azzurro, Delilah e Contessa, ma un flum in plene di suns tantis voltis lontans di ogni dimension sigure, dal incuintri tra art moderne e rock dulà che Mario Schifano, come in Americhe Andy Warhol, al jere ispiradôr di gnûf lengaçs sperimentâi intant che Jimi Hendrix, i Pink Floid e i Who a batevin lis senis talianis pe prime volte. I agns de cjançon militante dai Pietrangeli, Della Mea, Straniero, Marini, ma ancje l’an zero de cjançon di autôr intindude come opare tematiche cui prins lavôrs ambiziôs e organics di De Andrè, New Trolls e Gaber.
