A è intune posizion che a la rint particolâr a nivel geografic: pur jessint intal Friûl ocidentâl, di là dal Tiliment, e fâs part da ex Province di Udin, pasant a Pordenon dome par un an.
Tra i monument storics a si cjate la glesie di San Laurinç Martir, costruide intal XVIII secul al puest de antighe plêf medievâl e completamenti restaurade daspò il taramot dal Friûl dal 1976.
Dal ponti di viste naturalistic a merete l’Altiplan dal Mont Prât, ‘la che a si po rivâ da Forgjarie (a no si consê di lâ par Vasines e Peones), une concje naturâl, e la Risierve naturâl dal Lâc di Curnin, un lâc cun sorgints soteraneis, cun tun’aghe clarissime, ‘la che a vîf une flore un grum particolâr. A Nadâl a si fâs une rapresentazion di un presepi fat sot aghe organizât da l’A.S.D Furlane Subacqueos di Udin. A chi al ven puartât indevant ancje il Progjet Grifon, un progjet ormai consolidât di reintegrazion dal grifon (Gyps fulvus), un variûl che in tancj a clamin “Il condor di Curnin”.
