…Tiziana: jê e sarès stade devant dai nestris voi tes peraulis e tai dissens di Alberto, e e je ancje vuê par ducj chei che a cognossin lui e lis sôs composizions. E fo di fat la creativitât a dâ forme al so sintî e al nestri percors, cence savê che il pont finâl al sarès stât chest libri… Il timp dal corot al è un timp dolorôs e complès; e pûr al pues jessi une grande oportunitât: di confront cun se stes e cu lis propriis emozions, ma ancje di evoluzion e di cambiament. Al è un timp taponât… Trasformazion, evoluzion, pussibilitât e creativitât te art come te vite, ancje passant un timp di dolôr fuart, a somein sclopâ tal dissen in cuarte di cuviertine: une lavagne cuntun sfuei blanc. E je simpri une pagjine che si pues scrivi te vite.
