Chest duo al propon un spetacul di body music balcaniche; a son una copie che a vîf inta nature dongje dal parc nazionâl di Fruska gora e chest particolâr stîl di vite a si riflet su la conession profonde tra la musiche e i lôr cuarps. La lôr performance a è vibrant e ritmiche, potent e energjiche, un messadassi di danzis, moviments di palc e musichis, un’esperiençe profonde e primordiâl che a traspuarte i spetadôrs intun viaç intai Balcans e fint intal profont dal jessi. Daspò la publicazion dal lôr prin disc, RikaTaka, New Balkan Rhythm in November 2022, a àn partecipât al Balkan trafik di Bruxelles, Music Meeting di Nijmegen, Trefpunt di Ghent, Maraton hudby di Brno, WMFB di Bratislave, E.T.N.O. festival di Koprivnica.
