Al è un grant intrattenidôr, ma ancje un teletôr di storiis dulà che la gracie trobadoriche si fonde cun contis di vite vive, di eroi sconosûts e di esistencis brusadis, Allan Taylor al continue a tornâ a proponi al public di dut il mont la sô vôs carateristiche, che si pues ricognossi in maniere imediade, dolce e scure, e il so stîl personâl di chitariste. Dilunc dai agns il so album “The Traveller” al vinç il Grand Prix du Disque de Montreaux come miôr disc european dal an, invezit tal 2001 “Colour to the Moon” al cjape sù consens unanim pe grande maturitât compositive, testemoneance de la altissime cualitât compositive che e à caraterizât e che e continue a segnâ dute la cariere di chest grant artist. “Hotels and Dreamers”, premiât come miôr disc dal an in Gjermanie, al cjape sù un pôcs di cjançons di straordenarie intensitât, che a si jontin al vecjo cjantabolic di Taylor che, al è just ricuardâlu, a son stadis ripresis di plui di cent artiscj di diviersis nazionalitâts in dut il mont; la sole “It’s Good to See You” e je stade riinterpretade plui di sessante voltis, in dîs lenghis diviersis. “Leaving at Dawn” , saltât fûr tal Avrîl dal 2009, al presente un tornâ a une maniere compositive e esecutive une vore dongje al folk dai agns Sessante e Setante di cui al è un maestri ricognossût, insiemi cun Richard Thompson e Dick Gaughan. La sô poesie e je fate di chilometris passâts su lis stradis dal mont e di personis cjatadis o dome incrosadis: ogni sô cjançon e je une fotografie, il ricuart di une vite tal bar di fronte a une bire o a un bicerin di vin. E come lis storiis contadis in chest mût, lis sôs cjançons a somein di jessi simpri stadis part de sô vite.
Come che Allan al dîs tal scomençâ di ogni so concert, Sit back and enjoy the journey.
