Ars Vulgaris Ensemble

L’Ars Vulgaris Ensemble al è un coletiv internazionâl basât a Barcelone, fondât di musiciscj di diviersis lidrîs culturâls. Il grup al esplore i teritoris di confin jenfri la musiche colte e la tradizion orâl, midiant di un dialog vîf tra stîi, epochis e gjeografiis. Untold Cities e je stade la prime produzion dal ensemble, un viaç imagjinari tra citâts dismenteadis, sommerdis e inventadis, lûcs interiôrs dulà che si intirin i siums, i recuisîts e la musiche. In cheste version speciâl, pensade par I suns dai lûcs, Ars Vulgaris nus puarte a Est: dai Balcans fin aes comunitâts ebraichis de Europe orientâl. Klezmer, doina, hora, kopanitsa e sirto a deventin tapis di un itinerari jenfri danze e esili, memorie e trasformazion. Chestis musichis – come i popui di dulà che a vegnin – no àn mai volût fermâsi intun puest: a viazin sburtadis dal spirt uman, come un aiar che al travierse i confins cence domandâ permès. Ogni melodie e je une storie no contade, un eco che al cîr il so spazi par vibrar.