Crotz ta Palûd

Il grup dai Crotz ta Palûd, Rane nella Palude, al è nassût une decine di agns indaûr a Spilimberc, formât di musiciscj di diviersis estrazions musicâls, compagnâts però de passion pe musiche folk, propit come culture popolâr, sedi internazionâl che taliane e in particolâr chê leade ae lenghe furlane, che e ven doprade dome tai tescj des lôr cjançons. Il repertori musicâl dal grup, simpri in evoluzion, al va des cjançons plui interessantis de tradizionâl ai aranjaments di tocs irlandês, statunitencs e di altris origjinis; no manchin composizions origjinâls, scritis e aranjadis dai elements dal grup. Dut al è proponût cuntune formule musicâl sedi acustiche che eletriche al segn de gjonde e dal coinvolziment dal public.