Si esibìs in gjenar di bessôl, ghitare e vôs, duncje di consecuence la sô musiche e à riclams une vore sempliçs, che a derivin de sene cjantautorâl taliane dai agns 60 e 70, cun melodiis e armoniis imediadis acompagnadis di une scriture che e je miorade intai agns, curade, fine e cualchi volte ermetiche, dentri di un imagjinari che al varie e nol va daûr di une logjiche precise. Argoments che a spaziin dal amôr ae etiche, ae societât, cun critichis e riferiments ae atualitât politiche, precarie, di vore e sociâl dal so secul une vore noiôs, a travanin lis sôs cjançons. Al rive a Folkest midiant des selezions dal concors Sunâ@Folkest.
