Eileen Rose Band

…daitmi un public, la mê ghitare, un microfon e un tai di vino e no podares sei plui contente! – a dîs Eileen Rose Giardone, bostoniane da lis claris origjins talianis, penultime di nûf fîs, cressude intune famê di appasionâts di musiche e danze che ai à parmetût di entrâ in contat fin di frute cu’i gjenars plui diviers fra di lôr: da la musiche tradizionâl irlandese al folk, dai crooner a lis big band da bal. Intal 1991 a si trasferis a Londre, ‘la che a ven notade da Geoff Travis da Rough Trade che ài produsarà i siei prins doi discs. In chel pariodi a sune in tour cun Ryan Adams, a frequente Ozzy Osbourne e il scritôr Nick Hornby, che a la met dentri dal so romanz 31 cançons. A torne daspò intai States, a Boston e infin a Nashville, ‘la che a tache un sodalizi artistic e parsonâl cun “The Legendary” Rich Gilbert. Intal otobar dal 2022 a ven invidade a esibisi al Teatri Ariston di Sanremo in ocasion dal Premi Tenco, in duet cul rocker di Chicago Michael McDermott par une emozionant rivisitazion di Time di Tom Waits. Cumò a sta lavorant a un gnûf disc in Italie cun tancj ospits che a van da la violiniste di Bob Dylan Scarlet Rivera al cjantautori livornês Bobo Rondalli.