Giua & Riccardo Tesi

RETABLOS

BOX MAGICI E FINISTRI CHE SI APRIN

Un viaç tra cjançon d’autôr, cjançons popolârs e musiche strumentâl. I doi artiscj si cognossin e a son amîs di plui di vincj agns, a àn colaborât dispès partecipant ai discs di ognidun e scrivint cjançons a cuatri mans. Cumò a presentin finalmentri il lôr conciert in duo, Retablos, dulà che a fondin i lôr percors artistics, diviers ma ancje une vore simil: chel de musiche popolâr e strumentâl di Riccardo Tesi, un dai organetiscj diatonics plui inovatîfs ricognossûts a nivel internazionâl, e la cjançon d’autôr e popolâr di Giua, cantautore e chitariste une vore preseade inte sene culturâl e teatrâl taliane. Il titul dal spetacul al è ispirât a une des plui grandis espressions de art peruviane i Retablos, piçulis scatule di len portatibii che une volte a contignivin figuris di sants e che vuê a riprodusin ancje scenis de vite di ogni dì. Cjasis magichis duncje, finestris che si vierzin e contin, che ti fasin viazâ in monts lontans, come la musiche. Cjape il cjâf, vierç lis orelis e il cûr, o partìn!

Giua, cantautore e interprete di classe, inte sô cariere e je stade vincidore dai Premi Lunezia, Castrocaro, Musicultura, Mantova Musica Festival, Festival de Cançó Barnasants di Barcelone. Finaliste al Festival di Sanremo intai Giovani tal 2008. Tantis lis colaborazions teatrichis tant che autore des musichis e interprete in sene, e tantis chês musicâls (Riccardo Tesi, Fausto Mesolella, Adriana Calcanhotto, Jaques Morelenbaum, Armando Corsi). Al à lavorât cun Neri Marcorè tal spetacul Quello che non ho, e cun lui al è in tour cun il spetacul La buona novella dedicât a l’opere di Fabrizio De André.

Riccardo Tesi al è un dai pionîrs de riscoperte dal organetto diatonico in Italie, un strument popolâr che al à puartât di là de tradizion. Dilunc de sô cariere di cuarante agns al à colaborât cun nons prestigjôs de musiche mondiâl come Caterina Bueno, Elena Ledda, Daniele Sepe, Patrick Vaillant, John Kirkpatrick, Justin Vali, Marc Perrone, Kepa Junkera, dal Jazz (Gabriele Mirabassi, Gianluigi Trovesi, Maria Pia De Vito), dal Rock (Piero Pelù, PGR, Skiantos) fin ai grancj de cjançon d’autôr (Fabrizio De André, Ivano Fossati, Gian Maria Testa, Giorgio Gaber, Cristina Donà, Tosca).