Luisa Briguglio

Vincidore dal premi Ethnos Generazioni 2025, San Gorgio a Cremano (NA).

Luisa Briguglio, origjinarie di Messine, in Sicilie, e je une artiste poliedriche che e fonde plui dissiplinis intune cariere eclettiche, tra musiche, danze e teatri, esplorant diviers gjenars musicâi, dal tradizionâl sud talian ae musiche latinoamericane e capoverdiane. Dal 2017 e je la vôs soliste dal grup PopulAlma, cun cui e à publicât doi albums, Cantu Forti e Spaccaventu. In teatri tant che atore e assistente di regjie e à creât spetacui come Percée e Cantu e cuntu. Dal 2023 e fâs part di El colectivo e, tal stes an, e je deventade vôs soliste di Ngasa’Ngasa, regjistrant il singul Safari.

Intal Otubar dal 2024 al vinç il premi Ethnos Generazioni (Sant Zorç a Creman, Napoli).

Il so progjet musicâl solist, che al cjape dentri la scriture in dialet sicilian, al esplore lis lidrîs culturâls e leterariis, cumbinant tradizion e inovazion intune musiche che e riflet la complessitât de sô tiere di origjin, cul centri de partence, de distance e dal dialic ininterot cuntune tiere benedide e maledete insiemi in continuitât cu lis vocâls dai siei antenâts: migrants, cantautris, poetis. La sô scriture e je soredut in dialet, la lenghe des emozions, une ereditât antighe che e je in grât di rispuindi ai dibisugns dal dì di vuê. La sicilianitât che si viôt tai siei brans e cjape dentri, ma dome in part, il lengaç e i stîi de tradizion musicâl popolâr: une altre Sicilie, urbane, incontri di culturis, ma ancje solitarie e mistiche, che e anime lis peraulis e la sielte dai suns.