LUNE TROUBLANTE

Lune Troublante – Italie

Paparian (Flumisel) – vie Nazionale – Martars ai 27 di Jugn, 21.15 

Cuartet di musiche swing/manouche componût di musiciscj che a vegnin di svariadis realtâts musicâls, unîts de passion musicâl pal swing francês dai agns ’40: a ’sunin i classics de tradizion gypsy-jazz, gjenar musicâl nassût intai agns ’40 a Parîs par man dal ghitarist zingar Django Reinhardt e dal violinist Stephan Grappelli intal grup Quintette du Hot Club de France, che insiemi a àn unît il jazz-swing american cu la musiche popolâr francese. A spaziin di composizions di Django Reinhardt ai valzer mousette francês de epoche, di là di cierts standard dal jazz american di bal (Duke Ellington, Gershwin, Porter, e v.i.), ’fin a gnovis composizions dai membris dal grup. Il grup si contrassegne ancje pal ûs di struments simii, par fate e tipologjie, a chei origjinâi de epoche, in particolâr aes spetacolârs ghitaris Selmer/Maccaferri.

Formazion: Matteo Sgobino – vôs e ghitare; Alan Malusà Magno – ghitare; Sebastiano Frattini – violin; Alessandro Turchet – cuintribàs.