Matching Ties

I Matching Ties a son un grup folk dedicât a musiche irlandese, inglês e scozese des dôs bandis dal Atlantic cun membris de Irlande, dai Stâts Unîts, de Ingletiere e de Gjermanie, basâts te Gjermanie sudorientâl. Il non e lis cravatis compagnis che a àn sul palc a simbolizin il leam tra chescj musiciscj di diviersis nazionalitâts, unîts tal lôr repertori internazionâl irlandês, scozês, inglês e celtic-american. Dal 1986 a àn superât i trê mil spetacui in ogni gjenar di situazion imagjinabil pe musiche e pal folk, in Europe e intai Stâts Unîts. I Matching Ties a àn publicât 5 CD e un DVD. Cun la juste misture tra la lôr performance di alt nivel, contis scletis, umorisim neri e sketch spontani, a cjatin il just ecuilibri tra trasmeti la bielece e la complessitât de lôr musiche, e tal stes timp mantignî un toc di divertiment.