MULU’S TRIO
Une formazion zovine costruide ator di un dai grancj talents emergents de gnove sene musicâl che si sta stabilint in Irlande dal Nord: Miadhachlughain O’Donnell, campion juvenil de Irlande sul flaut traviers a vincjeun agns, al è erede de grande tradizion de famee McSherry. La sô mari Tiona, i siei zii Paul e John e la sô zie Joanne a jerin la band plui inovative dai agns Novante, i Tamalin. Da simpri interessade ae lenghe e al cjant gaelic, si compagne ancje cul shruti box, un strument indian de famee dai armoniums. Daspò di vê fat part di diviersis formazions, e à fondât il so trio, che al cjape dentri Tommy Moynagh e Ciara Maguire, e fâs part dal grup di undices feminis clamât Huartan e dal 2024 e je une gnove membre dal grant Afro Celts Sound System.
TO LOO LOOSE
Nassude a Trieste tal 1995 di un grup di amîs unîts de passion pe musiche celtiche imbastide cul groove dal blues e dal rock, ToLooLoose a son plui di une band: a son un progjet vîf, un viaç musicâl di trente agns, fat di palcs, stradis, storiis e emozions condividudis cuntun public simpri partecipant e apassionât. A partî dai lûcs de lôr citât, il progjet ToLooLoose al nas cul obietîf di reinterpretâ la musiche de tradizion celtiche intune clâf moderne. Dilunc dai agns a àn costruît un sunsûr straordenari e inconfondibil, fat di ritmis ducj par balâ, cjançons che a unissin storie, ironie e intensitât, e une voglade contagiose di festezâ ogni volte che a saltin su pal pal palc. Tal 2025 a festezin i trente agns di ativitât, e a àn decidût di fâlu come che dome lôr a san fâ: cuntune serie di concierts celebratîfs che a ricuardaran la lôr storie musicâl, tra tocs storics, gnovis sorpresis e tante voie di condividi.
