Nora Gharyéni

Antichis tradizions dal popul amazigh, melodiis ipnotizantis, pulsazions eletronichis, liniis di bas luminosis a si fondin intun progjet inclusif che, partint de salvaguardie des lenghis menaçadis, al promôf une culture ricje di valôrs di diversitât, tolerance e dirits umans. La lôr musiche e je come un ponte tra passât e futûr. Nora, insiemi cui siei musiciscj, e je daûr a mostrâ une part de culture dal plui di mil agns dal Amazigh, i oms libars, cognossûts ancje in Europe come berberis – une peraule che no ur plâs tant – o sei chês popolazions che a àn resistût ae arabizazion tal nord-ovest dal continent african. Une culture in pericul, ancje se in cifre si fevele di uns 30 milions di personis, dividudis in diviers paîs. Chestis cjançons a resonaran par ricuardâ al mont i valôrs antîcs de convivence pacifiche e de comunion.