La Orchestrona della Scuola di Musica Popolare e je, tal stes timp, un cors di musiche di insiemi e il grup di rapresentance de scuele stesse. Un progjet che al nas plui o mancul vincj agns indaûr di une idee di Davide Castiglia, vuê diretôr dal grup, che al à volût fâ une formazion dal dut atipiche, une contaminazion ben fate tra une bande e une orchestre che no je in realtât nissune des dôs, ma componude in maniere esclusive di struments insegnâts inte scuele. Plui di vincj elements, tra organets, armonichis, violins, violoncei, baghis, flauts, ghitaris, arpis, cuintribàs e percussions… ducj insiemi in maniere apassionade par ufrî ai balarins popolârs un repertori di danzis par fâ movi i pîts e il cûr!
