Sir Oliver Skardy e i Fatti Quotidiani

La storie di Sir Oliver Skardy, al secul Gaetano Scardicchio, al è pardabon leade a chê da la plui popolâr reggae band taliane, i Pitura Freska. Sindic di Marghera in vie di riscat, alfîr da la legalizazion da cjanaipe, puartevôs dai musiciscj trascurâts dai mass media par mancjance di sex appeal, esponent di prin plan dal moviment musicâl venezian, Skardy al rapresente par ducj l’anime popolâr di une cjançon taliane leade a la periferie, a la voe di riscat e di pâs sociâl. Usant dialet venezian e italieno, cu’l so mût dret di jodi la politiche, l’amôr, i fats di cronache e l’atualitât, cuntune rabie popolâr sancire e une grande dose di autoironie e gust musicâl, la straordenarie vene compositive di Skardy a à prodot tocs che ormai a fasin part da la storie dae musiche taliane, come il straordenari afresc sui Pink Floyd in a Venezia Pin Floi, o l’imni antiproibizionist, on i Fahrenheit 451. Fame un spritz al è l’embleme di cheste fase da l’artist venezian, prime da la nassite dal MISS (Made In Italy Sound System), ‘la ch’al è  compagnât da Fricchetti Selector a console e Baby a la vôs, realizant cussì un interesant e particolâr proces di selezion e reinterpretazion da lis produzions dal nestri Paîs. A si rive fintremai a Figa e sfiga, disc dulà che al met dongje i migliori tocs scrits in chests ultims agns, il disc più “parsonâl” da la carriera di Skardy che, oltri a vê scrit musichis e tests, al à seguît in prime persone dutis lis fasis da la produzion, da la registrazion fintremai ai misagjos.