To Loo Loose

Nassûts a Triest tal 1995 di un grup di amîs unîts de passion pe musiche celtiche incrosade cul groove dal blues e dal rock, i ToLooLoose a son plui di un grup: a son un progjet vîf, un viaç musicâl di trente agns, fat di palcs, stradis, storiis e emozions condividudis cuntun public simpri partecipant e apassionât. A partî dai lûcs de lôr citât, il progjet ToLooLoose al nas cul obietîf di reinterpretâ la musiche de tradizion celtiche intune clâf moderne. Dilunc dai agns a àn costruît un sunsûr straordenari e inconfondibil, fat di ritmis ducj par balâ, cjançons che a metin adun storie, ironie e intensitât, e un desideri contagiôs di festezâ ogni volte che a jentrin sul palc. Tal 2025 a festezin i trente agns di ativitât, e a àn decidût di fâlu come che dome lôr a san fâ: cuntune serie di concierts di celebrazion che a ricuardaran la lôr storie musicâl, tra tocs storics, gnovis sorpresis e tante voie di condividi.