Si son sieradis di pôc les selezions dal Premi Alberto Cesa organizât di Folkest, il festival dedicât a le world music che al vîf les sôs seradis conclusivis a Spilimberc e a l’à savût ritaiâsi un puest di prin plan tal ambit dai Concors nazionâi dedicâts a le musiche, segnalantsi pe origjinalitât de formule e tirant le atenzion di RAI Radio 1, che e à decidût di poiâ e sponsorizâ le manifestazion, cusì come el Nuovo Imaie, che a l’à zontât al premi une siore dotazion in denâr.
Il Premi, rivât aromai a le so diesime setime edizion, a l’è pensât par valorizâ dute che musiche che, oltri a sei classificade come folk, folk – rock, etno – jazz, world, new acustic, minimaliste, ghitaristiche, cjançon di autôr, cjantestorîs, artist di strade (cun prevalente ativitât musicâl), e savedi dâ vôs a une o pui lidrîs culturâls di cualsisei bande dal mont.
Le manifestazion e je nassude par onorâ un grant artist come Alberto Cesa, vôs e ghironde dal Cantovivo, piemontês e grant amì dal Folkest, un dai grups pionîrs dal folk talian che oltri cuarant’ains indaûr a l’à fat capî che cjantâ in t’une lenghe minôr o dialet no l’è stâ in t’un cjanton, ma aumentâ les potenzialitâts espressivis.
Il Premi 2022
Le organizazion dal Premi e je curade, sot le supervision de direzion dal festival Folkest, de redazion di www.folkbullettin.com e de Asociazion Culturâl Folkgiornale; e colaborin une ventine di associazions e istituzions di varis parts d’Italie, dulà che di an in an si disviluçin les selezions dal vîf dai artiscj partecipants.
Le iscrizion al concors e je gratuite.
Les domandis di iscrizion e varan di sei mandadis e dentri no oltri el 31 di Otubar 2021, traviers il modul presint sul nestri sît.
Par informazions scrivinus a premiocesa@folkest.com
