Plui di 50 i apontaments tra concierts dal vîf e online che a cjapin dentri la seconde edizion di Parole e Musica tra libris e leturis senichis, i concors e lis premiazions cul Premi pe Cariere e la dispute dal Premi Alberto Cesa pai gnûfs talents de world music.
Un program siôr che dopo des anteprimis di Folkest in Cjadovri, Folkest a Cjaudistrie e Folkest a Udin al va tes salis e tai piçui spazis urbans dal Friûl Vignesie Julie dai 17 di Setembar ai 5 di Otubar.