Frazion dal comun di Flumisel e à vedût ricognossude la proprie identitât cuant che tal 1937 a vignive benedete la prime piere da glesie dedicade a Marie S.S. Regjine. L’edifizi, sempliç e racuelt, al fò fat in gracie da rocagjine di doi prêdis, cui bês e il lavôr di dute la comunitât di Paparian, ‘la che, dopo la sopression da la gleisiute da famê Andriani, volude da Giuseppe II, a non esistevan lûcs di preiere.
Flumisel, nassût come borc agricul da colonie romane di Aquilê, a vût chel nom in gracie de evoluzion dal vocabul latin “flumen” e al è nomenât par la prime volte intun at dal 1174. La sô storie a è pardabon leade a chê di Acuilê: e cun jei a ven devastade da l’invasion dai Unos, dai Visigots, dai Ostrogots, dai Avaris e dai Langobarts; e cun jei a viôt la difusion dal Cristianesim e la costituzion da la potence patriarâl.
