4 Folksinger in Friûl Friûl
A son tancj i autôrs di cjançons in Friûl che a si cimentin ancje cu l’art d’intrategni il public da un palc; intai ultims agns, prime a la Girada e cumò al Folk Club da Anita, in graçie al poc e al coordenament e al confront di Lino Straulino, il proporsi cun lis propris composizions e viergisi a lis colaborazions a è diventade une realtât significative inte citât di Udin. Tra ducj chei che partecipin e che a son part di chê esparience, in cheste serade i proponin cuatri, estremamenti divers un cu l’ati.
Nicole Coceancig a è une giovine cantautore ch’a interprete tocs inedits e popolârs friulans insiemi a diviers musiciscj da regjon: al è une da lis vôs furlanis plui espresivis e ispiradis dai ultims agns che, cuntun repartori scjaldinôs e poetic, a è simpri in straordinarie ricercje di una tradizion cosmopolide.
Claudio Banelli al tache la so cariere a sedis agns, parcorint la lungje strade da la musiche cun la sô armoniche a bocje. A disenûf al tache a studiâ ghitare e al met su il so power trio, BBF, che al spazie da la psichedalie agns Sesante al grunge dai agns Novante e che al à incidût trei discs. Da solist al à fat jessi il so tierç e ultim disc a març 2023, Seahorse, registrât di bessòl su nastri analogic intune cjase dal 1800.
Emma Gustafson, par metât taliane e par metât merecane, a esordisc come musiciste intal 2015, puartant lis sôs cjançons atorn pa l’Italie e l’Irlande, ‘la che a fò un master al Trinity College di Dublin, e ‘la che a à vivût par divers timp, dedicant la magior part da lis sôs zornadis a la musiche, sunant in strade, intai vecjos pub dublineis e sul lungomâr di Galway. Oltri al so parcors academic e a la musiche, a dediche il so timp a curâ il zardin, inaspetade pasion svilupade intal lockdown. A è autore di trei discs di musiche e di doi libris di poesie.
Sergio Freschi al à fat un grum di mistîrs e cuissà ce tancj che an fasarà. Al va atorn da simpri cun i mieçs e i mûts plui diviers, ma simprit, ad un cert pont, al torne a cjase. Al à diviersis Moto Guzzi che a si ten ben strentis e che al as use par esplorâ tocs di mont. Al alene scuaris di balon, al sune, cjante, scrîf, coltive e costruisc. Al à publicât intal 1995 il romanz Una vita bruciata, intal 2004 la racuelte di contis Racconti dal XIII anno, intal 2010 la storie dal so viaç in moto in Rusie e Mongolie, Giorni Nomadi, intal 2012 il romanz Intrigo carnico. Intal 2020 al publiche la serie di siet contis Racconti Sbilenchi e infin intal 2023 Strambate a due ruote, undis aventuris inusuâls e strambis capitadis intal cors de sô ultra trentenâl espariençe di viagiatôr.
