99 Posse

Chest grup al à segnât la storie di un gjenar, cun albums premiâts come Curre curre guagliò, Cerco tempo e Corto circuito e miârs di concierts. A son nassûts tal 1991 tant che espression direte dal Centri Sociâl Ocupât Autogjestît Officina 99. L’an dopo e nas la colaborazion cun i Almamegretta e cun i Bisca, che dopo a dan vite al supergrup Bisca99Posse. Il lôr prin album, Curre curre guaglió dal 1993, al è ancje la colone sonore dal cine Sud di Gabriele Salvatores. Tal 1994 e je nassude ancje la etichete discografiche Novenove, che e lavore par dâ spazi aes vocâls zovinis emergentis. Po dopo, cun Cerco tempo, a fasin plui di 80 mil copiis vendudis e cul Corto circuito che al vignarà daspò a fasin ancje il dopli. Intal 2000 al è saltât fûr il lôr ultin album inedît, La vida que vendrà: di fat, l’ultin album publicât dai 99 Posse al complet. A la fin dal 2001, i 99 Posse a cjaparin strade diviersis, anuntant il lôr distac definitiv tal 2005. Intal 2009 a ufizializin il lôr tornâ sui palcs, passant intai agns sucessîfs a diviersis variazions di personâl, prin di stabilîsi tal grup di lavôr atuâl.