A3 Apulia Project

Il progjet dai A3 Apulie Project al nas di une idee di Fabio Bagnato, autôr, compositôr e chitarist specializât tal studi e te difusion de chitarre batente, strument classic de tradizion popolâr de Italie meridionâl. Il non dal progjet al ricuarde chel de plui famose autostrade dal Sud (la Salerno – Reggio Calabria), parcè che, come che la autostrade A3 e je une arterie impuartante che e coleghe diviers ponts dal Sud, la musiche dal A3 Apulie Project e je un colegament par un viaç ideâl tal mâr Mediterani, che di simpri al à puartât gnovis culturis che si miscliçin cu lis antighis tradizions dal Sud Italie. Lis sonoritâts de chitarre batente, de fisarmoniche e dal tamburello, a van cussì a jentrâ cun altris plui modernis, come chê dal bas eletric, dal cajon (strument classic de tradizion sudamericane) e de batarie.