AMIRA MEDUNJANIN E ANTE GELO

AMIRA MEDUNJANIN E ANTE GELO – Bosgne/Cravuazie

Gurize – Parco del Palazzo Municipale, Miercus ai 4 di lui, ore 21.15

A son i stes abitants dai Balcans a cjatâsi in dificoltât cuant che a àn di dâ un significât precîs ae peraule sevdah e aes cjançons che le rapresentin, lis sevdalinke. Ducj i doi i tiermins si riferissin a une realtât musicâl tipiche de Bosgne, che e puarte a un univiers folk, e duncje a un substrât culturâl e antropologjic che al à lis sôs lidrîs te origjin de civiltât sclave meridionâl. Amira Medunjanin e cres intune famee amante de musiche, soredut la mari, che pal solit si dediche al cjant tradizionâl bosgnac. E je jê, di fat, a fâle jentrâ tal mont magjic di chel che vuê al ven clamât il blues dai Balcans. Il prin vêr apontament al rive par jê cu la partecipazion di un disc dai Mostar Sevdah Reunion, super grup che si è formât a Mostar tal 1998. Tal 2005 al ven fûr finalmentri il so prin disc come soliste, Rosa, produsût di Dragi Sestic, za scuvierzidôr di talents come Saban Bajramovic e Ljijana Buttler-Petrovic. Di li la sô cariere e va indevant di continui, cjapant sù consens in patrie, dulà che e je une regjine, e in dute Europe, lant des plateis dal folk ai festival di jazz plui esclusîfs e rafinâts. Ante Gelo, un dai produtôrs de sene jazz cravuate plui impuartants, al è un brâf ghitarist e un grant performer dal vîf.
Formazion: Amira Medunjanin – vôs; Ante Gelo – ghitare.