Ars Nova Jazz World Ensemble

Lis musichis di chest ensemble a vegnin di une ricercje personâl di dîs agns di Roberto Manuzzi, insegnant dal Conservatori Frescobaldi di Ferrare, tal ambit des musichis popolârs dal Mediterani, studiant lis carateristichis dal melting pot culturâl de Ete di Mieç, un mont une vore plui vivarôs e multiculturâl di ce che o vin di jessi abituâts a pensâ. Manuzzi al à aprofondît in particolâr il studi dai tescj di Giacomo (Jacopo) da Lentini, indicât dai storics come l’inventôr de forme metriche dal sonet. La splendide vôs di Rachele Amore e complete e e definìs lis sonoritâts dal ensemble grazie ancje aes sôs lidrîs profondamentri leadis ae musiche popolâr siciliane: E no par câs Rachele Amore, vôs soliste dal ensemble, e je origjinarie propit di Lentini.