BRAUL

Braul – Friûl

Dartigne – culine di S. Martin – Lunis ai 3 Lui, 21.15

Il grup al nas in maniere uficiâl intal 1995 inte aree de Pedemontade Ocidentâl furlane tra Davian e Montreâl cul intindiment di inovâ la musiche tradizionâl furlane cuntun gnûf spirt, il stes che al veve animât par prin il grup La Sedon Salvadie, pionîr de rinassite musicâl furlane. Il progjet musicâl Bràul si vierç fin di principi a orizonts plui larcs cun riferiments ae musiche folk europeane, intune sorte di fusion e integrazion fin a rivâ a une proprie specifiche sonoritât, une personalitât artistiche distintive. In ocasion dal ventenâl de publicazion dal prin cd, il grup che intant al veve lassât i impegns di palc, al decît insiemi cun Folkest di fâ une reunion par celebrâ l’aniversari, e de reunion ae ricostituzion il pas al è stât une vore curt: i Bràul a son tornâts di gnûf in ativitât.

Formazion: Gabriella De Cesco – vôs, percussions; Lucia Clonfero – violin, violin eletric, vôs; Giacomo Traina – ghitare acustiche, bouzouki, vôs; Claudio Mucin – violin; Claudio Mazzer – ghitare classiche, bouzouki, percussions, flauts, vôs.