Contatti

CORO FVG E ALEKSANDAR SASHA KARLIC

Artista: CORO FVG E ALEKSANDAR SASHA KARLIC

CORO FVG E ALEKSANDAR SASHA KARLIC

No je le prime volte che il Côr dal FVG al percor le ricercje di gnovis formis espressivis. Saltâ fûr dal agâr tradizionâl de musiche classiche a l’è il ri’sultât di un continui desideri e di une curiositât che lu caraterize. I progjets cun cjantautôrs (Tosca e Cristicchi), musiciscj jazz (K. Weehler, J. Taylor, J. Surman, M. Stockhausen ecc.) e musiciscj etnics (J. Gasparyan) e àn simpri rapresentât une forme di cressite culturâl e umane. Afidâsi e les curis di Alexander Karlic par imerzisi in t’un mont gnûf, lontan, inmagant, arcaic e spirituâl, e je pure linfe vitâl che e à fat florì cheste emozionante colaborazion.

Aleksandar Sasha Karlic

Nassût tal 1968 in Jugoslavie, al ven di une famee che di gjenerazions e coltive mo le musiche classiche ocidentâl mo les tradizions musicâls estremementri svariâts di chel paîs. Diplomât in liût e ghitare baroche, si dediche al oud e a chei atris liûts orientai, a les percussions tradizionâls, e al doprâ le vôs. A l’à vût tantis influencis musicâls impuartantis in paîs diferents, ma le so formazion e je stade definitivementri segnade di Giacomo Baroffio (Cremone), Bekir Baaloglu (Costantinopoli), Vangelis Merkouris (Atene), Elat Gabbay (Jerusalem) e Nikola Popmihajlov (Belgrât), Paralelementri a l’à coltivât interès di antropologjie e storie des religjons, cun particolâr riferiment a le aree mediorentâl e balcaniche. Artist poliedric e curiôs, di simpri particolarmentri sensibil al dialic e a une pussibile sintesi jenfri Est e Ovest. Di formazion musicâl ma di simpri atirât dal teatri, Aleksandr Karlic a l’à colaborât dal 1994 al 2001 cun Moni Ovadia in te so famose Theatre Orchestra come musicist atôr. Daspò, le colaborazion cul cognossût artist ebreu-bulgar e je lade indenant cun variis progjets, come il spetacul conciert Shir del Essalem – Canti per la pace, cu le presince dal grant cjantant palestinês Faisal Taher.
Tal 2008 a l’à curât e eseguît (insiemi cun Dario Fo) les musichis pe version televisive de lezion spetacul di Fo Il Tempo degli uomini liberi, tal domo di Modena. Insiemi al soTheatrum Instrumentorum e Moni Ovadia, a l’à presentât un intervent dedicât a les antighis musichis ebraichis-sefarditis in prime serade ’su RAI 1.
Ideadôr e coautôr dal spetacul conciert Gerusalemme perduta, trat dal omonim libri di Paolo Rumiz e Monika Bulaj (ed. Frassinelli), cu le regjie di Graziano Piazza, che a l’à debutât cun grant ’sucès al Ravenna Festival tal 2011.

Formazion:
Alice Petrin – violin e nyckelharpa;
Simona Gatto – vôs e percussions;
Michele Mancusi – salteri;
Massimiliano Miani – clarinet;
Andrea Musto – violoncel;
Karina Oganjan – vôs e mestri del coro;
Alexandar Sasha Karlic – vôs, oud e direzion.