Cun Acoustic world, Enzo Avitabile al torne a proponi in clâf acustiche e cuntune formazion in tercet i ultins agns de sô grande produzion discografiche, proponint tocs cjapâts di ducj i siei progjets dai prins agns doi mil a vuê. Avitabile al è un artist che al cjante il Sud, che nol è dome Sud gjeografic ma un stât dal anim e de cundizion umane. Un Sud che al vûl cirî il so riscat midiant de scuvierte e de valorizazion des propriis lidrîs, traviers di un percors di cressite culturâl, une fam di cognossince, di savê, di misture intun rapuart paritetic, dulà che no esistin vincidôrs e nancje batûts, ma dome oms che a interagjissin intun rapuart di fradilance inte ricercje comune di un percors di pâs, che e pues e e à di passâ ancje traviers de musiche che di simpri e je veicul di trasmission di culturis e di tradizions. E lui, Avitabile, al incasse cun umile calme un omaç filmic su la sô storie musicâl che i à fat adiriture Jonathan Demme…
Formazion: Enzo Avitabile – vôs, arpute, flâts, tambûr; Gianluigi Di Fenza – ghitare; Emidio Ausiello – percussions.
