JENNY SORRENTI & SAINT JUST

Jenny Sorrenti & Saint Just – Campanie

Spilimbergo – Piazza Duomo, Domenie ai 9 di Lui, 21.15 

Jenny Sorrenti, fie di mari galese e pari napoletan, e forme il grup Saint Just intal 1972, insiemi a Tony Verde e al saxofonist Bobby Fix. Intal 1972 al ven fûr il prin album, Saint Just, che al segne il principi di chel che i disin Napoli Power, un moviment nassût a Napoli che al puartave cun se une musiche rivoluzionarie, che e leve cuintri di ducj i schemis e des regulis de cjançon tradizionâl, une musiche di contaminazion là che a confluivin gjenars diviers: il folk, i rock, il classic, il medievâl, il jazz… Intal prin disc dai Saint Just al jere presint dut chest. Tra i musiciscj coinvolts o cjatìn il percussionist Tony Esposito e il fradi di Jenny, Alan. Dopo diviers discs il grup si à disfat e Jenny e à continuât une lungje cariere soliste, cun cualchi disc che al à lassât il segn, tant che Medieval Zone, Com’è grande Enfemeridade, Burattina. E torne al rock progressive cul album Prog Explosion, cun Francesco Di Giacomo e Marcello Vento, ’fin a riformâ i Saint Just.

Formazion: Jenny Sorrenti – vôs; Giuseppe Spinelli – ghitare eletriche; Peppe Mazzillo – tastieris; Davide Ferrante – batarie; Dario Spinelli – bas eletric.